|
Verkefni
nr. 5: Fjarkennslumiðstöð (kennsluefni fyrir Internetið)
Lýsing
Verkefnið byggir á stofnsetningu fjarkennslumiðstöðvar.
Hugmyndin snýst um að á svæðinu sé
nýtt sú þekking sem er til staðar á
ýmsum sviðum, þ.á.m. innan háskólans,
og henni miðlað til annarra landshluta. Framkvæmdin
myndi eiga sér stað með aðstoð fjarfundabúnaðar
og Internets, en upp á síðkastið hafa komið
fram á sjónarsviðið nýjar lausnir í
fjarkennslu sem byggja á notkun Internetsins.
Tæknilegir
örðugleikar og þekking
Samkvæmt mati úr tengslariti er hugmyndin talin mjög
vel tæknilega framkvæmanleg (5 stig), þannig að
ekki virðast miklar hindranir vera til staðar í þeim
efnum. Á Akureyri hefur nú þegar mikið verið
gert af því að stunda fjarkennslu, af hálfu
Háskólans á Akureyri og á vegum Verkmenntaskólans
sem hefur verið í fararbroddi í fjarkennslu undanfarin
ár.
Metinn
kostnaður og arðsemi
Hugmyndin telst ekki vera kostnaðarsöm. Í liðnum
"metinn kostnaður" í tengslariti fær
hugmyndin einkunnina 5, sem er besta útkoma. Þessi
útkoma er sjálfsagt byggð á því
að búnaður til þess að stunda fjarkennslu
er nú þegar til staðar og er auk þess ekki
mjög dýr.
Möguleiki
á framkvæmd
Samkvæmt tengslariti er hugmyndin talin vera vel framkvæmanleg
(4). Helst þarf að kanna undirtektir innan menntamálaráðuneytis.
Hugmyndin ætti að vera vel framkvæmanleg á
Akureyri, ekki síst vegna þeirrar reynslu sem menn
þar yfir á sviði fjarkennslu.
Staða
auðlinda- og hæfnisþátta til að framkvæma
verkefnið
Þrátt fyrir að í SVÓT-greiningu komi
þekking svæðisins fram sem ákveðinn veikleiki
almennt litið, er, eins og komið hefur fram, mikil þekking
eins og gefur að skilja innan HA og menntaskólanna. Þetta
er þekking sem er mikilvæg auðlind og á fyllilega
erindi til ýmissa markhópa á landinu með
aðstoð fjarkennslubúnaðar.
Tillaga
um aðgerð
Lagt er til að málið verði rætt meðal
hlutaðeigandi aðila á svæðinu. Ákveðið
verði með hvaða hætti best sé að reka
slíka fjarkennslumiðstöð, með hvers konar
búnaði o.s.frv. Viðræður þurfa að
eiga sér stað við menntamálaráðuneytið.
Hugsanlega gæti átt sér stað samvinna við
hina nýju Símenntunarmiðstöð sem nú
er verið að koma á fót.
|
