Nýr Forstöðumaður nýsköpunar og markaðssviðs AFE

Magnús Þór Ásgeirsson hefur verið ráðinn forstöðumaður nýsköpunar og markaðssviðs AFE.  Magnús hefur áralanga reynslu markaðs og atvinnumálum, fyrst í sérverkefni fyrir Iðnþróunarfélag Eyjafjarðar, síðan hjá Hönnun og ráðgjöf ehf. sem síðar sameinaðist Hönnun hf. Þar vann Magnús sem ráðgjafi og vann m.a. að markaðssetningu og undirbúning iðnaðarsvæða í Reyðarfirði. Síðast var Magnús framkvæmdastjóri Tölvusmiðjunnar ehf. sem er í helmings eigu TölvuMynda hf.

Um AFE segir Magnús að félagið sé að vinna að fjölmörgum áhugaverðum verkefnum, en eins og er með mörg þróunar- og nýsköpunarverkefni, þola þau ekki alltaf dagsljósið á undirbúningstímanum. Þegar verkefnin svo komast af stað og eiginlegur rekstur hefst sleppir hendi atvinnuþróunarfélaga og því má segja að störf þeirra séu oft á tíðum lítt sýnileg. Það er hins vegar aldrei meiri þörf á öflugri starfsemi atvinnuþróunarfélaga en nú þegar hægir á hjólum atvinnulífsins. Það er kraftmikill hópur sem starfar hjá AFE í dag og ég hlakka til að vinna með þeim í þeim mikilvægu verkefnum sem framundan eru.

Akureyri 15.11.01 
HS

Atvinnuþróunarfélag Eyjafjarðar - Glerárgata 36 - 600 Akureyri
Sími: 460 5700 - Fax: 463 0998 - Netfang: - Heimasíða: afe.is
Síðast uppfært: 25. April 2003 kl. 11:16 GMT