|
|||
|
Uppbygging skýrslu Skýrslunni er skipt í sex meginkafla og henni fylgir viðauki sem hefur að geyma ýmis gögn til stuðnings við efni skýrslunnar, með ítarlegri upplýsingum um tiltekin efni skýrslunnar. Í 1. kafla er kynnt aðferðafræði og verkskipulag við vinnu verkefnisins. Í 2. kafla er fjallað almennt um atvinnuþróun og tengsl við fjar- og gagnavinnslu og segir þar m.a. frá mikilvægi samstöðu og sameiginlegrar stefnumörkunar í fjar- og gagnavinnslu, ásamt mikilvægi sameiginlegrar uppbyggingar á samkeppnishæfni til alþjóðavæðingar. Í 3. kafla, Tæknilegar forsendur fjar- og gagnavinnslu, er gerð grein fyrir hvað fjar- og gagnavinnsla er og í hverju hún felst. Sagt er frá nýjum fjarskiptalögum og útskýrð ýmis tæknileg atriði í fjar- og gagnavinnslu. Þá er sagt frá þróun og stöðu í gagnafjarskiptum, helstu leiðum til gagnaflutninga og tekin dæmi um kostnað við gagnaflutning. Í 4. kafla skýrslunnar, Auðlindir og hæfni svæðisins, er rannsóknarhluti skýrslunnar. Þar er greining á auðlinda- og hæfnisþáttum í anda aðferða og hugmynda Roberts Grants. Í kaflanum er gerð grein fyrir skilgreiningu á auðlinda- og hæfnisþáttum svæðisins og hvernig svæðið var metið m.t.t. til getu þess til að taka að sér verkefni í fjar- og gagnavinnslu. Í 5. kafla, Verkefni í fjarvinnslu, er greining á mögulegum fjar- og gagnavinnsluverkefnum fyrir svæðið. Í kaflanum er skýrt frá síun og vali verkefnishugmynda og kynnt til sögunnar svokallað tengslarit sem var sérstaklega útbúið fyrir verkefnið. Tengslaritið var notað sem endanlegt úrvinnslutæki fyrir verkefnið og má lesa úr því meginniðurstöður verkefnisins. Í 6. og síðasta kafla skýrslunnar, Tillögur, eru dregnar saman lykilniðurstöður skýrslunnar. Þar er til að mynda dregin saman meginhæfni og samkeppnisforskot svæðisins og kynnt þrjú verkefni sem eru meðal þeirra sextán verkefna, sem voru efst í forgangsröðun úr tengslariti. Í kaflanum er gerð grein fyrir þessum þremur verkefnum og þeim lýst. Akureyri í maí 2000 Bjarni
Þór Þórólfsson Einar
Áskelsson |
|||
|
|
