1.1.1. Verkskipting og verklag

Framkvæmd verkefnisins var í höndum Bjarna Þórólfssonar, forstöðumanns nýsköpunar- og markaðssviðs Atvinnuþróunarfélags Eyjafjarðar (AFE), og Einars Áskelssonar, rekstrar- og stjórnunarráðgjafa hjá Rekstri & Ráðgjöf Norðurlandi ehf. (RRN).

Til að tryggja faglegan bakgrunn fyrir verkefnið var settur saman stýrihópur sem skipaður var af eftirtöldum aðilum, fyrir utan framkvæmdaraðila:

	Ásgeir Logi Ásgeirsson, bæjarstjóri í Ólafsfirði
	Reynir Eiríksson, framkvæmdastjóri Hugar á Akureyri
	Stefán Jóhannsson, skrifstofustjóri Háskólans á Akureyri
	Þorvaldur Ingvarsson, lækningaforstjóri FSA

Hlutverk stýrihópsins skiptist í meginatriðum í fernt. Í fyrsta lagi að veita framkvæmdaraðilum sérfræðilega aðstoð, í öðru lagi að meta hugmyndir og tillögur, í þriðja lagi að ákveða verkefnishugmyndir sem teknar yrðu til skoðunar og í fjórða lagi að aðstoða við forgangsröðun verkefna sem Eyjafjarðarsvæðið á að einbeita sér að í náinni framtíð.

Stýrihópur hittist formlega 4 sinnum á verktímanum en þess utan var leitað óformlega til þátttakenda stýrihóps til ýmis konar skrafs og ráðagerða.

Atvinnuþróunarfélag Eyjafjarðar - Strandgötu 29 - 600 Akureyri
Sími 4612740 - Fax 4612729 - Netfang: - Veffang: afe.is