|
||||||||||||||
|
2.2.3 Samfélagslegar forsendur Á
undanförnum misserum hefur töluvert verið rætt
og skrifað um þýðingu upplýsingabyltingarinnar
fyrir dreifðar byggðir landsins. Flestir eru sammála
um að aukin fjarvinnsla um tölvur geti fjölgað
atvinnutækifærum á landsbyggðinni, og að
fjarnám muni veita fólki þar aukin tækifæri
til menntunar. Saman geti þessir þættir styrkt
búsetu víða um land og e.t.v. átt þátt
í að snúa til baka óheillavænlegri
byggðaþróun. Vegna hinna auknu tæknimöguleika
á gagnaflutningi um ljósleiðara og annars nýs
tæknibúnaðar, er orðið mögulegt að
fólk geti unnið fyrir fyrirtæki, sem staðsett
eru utan heimabyggðar og er að finna nokkur dæmi um
slík fyrirtæki í sveitum landsins þó
þau samanstandi flest af einum aðila. Skemmtilegt dæmi
um þetta er Jón Ásgeir Hreinsson, grafískur
hönnuður, sem býr og starfar í Staðarhrauni
í Aðaldal í Þingeyjarsýslu, en vinnur
svo til eingöngu fyrir viðskiptavini á höfuðborgarsvæðinu
og gerir gagnavinnslutæknin honum kleift að vera staðsettur
þar sem hann er. Vert er að hafa í huga að viðskipti eru í auknum mæli að færast á Internetið. Það er ljóst að aukning í netviðskiptum hér á landi hefur verið gífurleg, samfara aukinni tölvueign og almennri notkun Internetsins. Það er þó álit margra að þróunin hér sé frábrugðin því sem gerist annars staðar. Hún sé ekki jafn hröð á Íslandi og tiltölulega fáir aðilar virðast vera að nýta þau tækifæri sem bjóðast. Að mati Kjartans Guðbergssonar hjá Gæðamiðlun, eru Íslendingar á eftir þegar þróun Netsins er annars vegar, þótt þjóðin sé í fremstu röð varðandi fjölda notenda. Því má reikna með að mörg viðskiptatækifæri séu til staðar fyrir aðila með nýsköpunarhugmyndir sem byggja á netlausnum. Byggðastofnun hefur bent á að gera þurfi átak til að jafna samkeppnisaðstæður höfuðborgarsvæðisins og landsbyggðarinnar varðandi gagnaflutninga, og til að hvetja opinberar stofnanir til að nýta sér þann möguleika sem fólginn er í fjölgun opinberra starfa á landsbyggðinni með notkun upplýsingatækni. Byggðastofnun lagði til að gert yrði markaðsátak til að hvetja einka- og opinber fyrirtæki til að flytja verkefni til landsbyggðarinnar, og að greindir verði möguleikar byggðarlaga á landsbyggðinni á að taka við sérhæfðum fjarvinnsluverkefnum. Þegar þetta er ritað hefur Valgerður Sverrisdóttir, iðnaðar- og viðskiptaráðherra, nýlega opnað vefinn www.fjarvinnsla.is, sem er einskonar markaðstorg þar sem fyrirtæki á landsbyggðinni geta kynnt þjónustu sína og þeir aðilar sem þurfa að láta vinna verkefni fyrir sig geta einnig kynnt þau. Markaðstorgið er sett upp til að auðvelda fyrirtækjum á landsbyggðinni markaðssetningu og fyrir væntanlega verkkaupa til að kynna sér þá þjónustu sem er í boði. Jafnframt er hugmynd þeirra, sem að markaðstorginu standa, að vefsíðurnar nýtist sem upplýsingaveita um hvað er að gerast í fjar- og gagnavinnslu á landsbyggðinni. Mögulegt er að hagnýting upplýsingatækni og sú leið að byggja framtíðarþróunar á Íslandi að hluta á öflugu fjarskiptakerfi og hagnýtingu þess, m.a. á sviði úrvinnslu upplýsinga, muni þýða:
Þegar horft er til helstu einkenna og eiginleika upplýsinga og upplýsingatækni er vert að nefna að:
|
||||||||||||||
|
|
