 |
Skýrslan
skilur eftir sig töluvert magn upplýsinga um stöðu svæðisins,
sem hægt er að nýta til sams konar greininga fyrir aðrar atvinnugreinar,
ásamt því að nýtast sem heimild fyrir fyrirtæki, stofnanir og
sveitarfélög á svæðinu.
 |
|
Eyjafjarðarsvæðið
er fyrsta landssvæðið sem gerir heildstæða greiningu og heildstætt
mat á stöðu svæðis fyrir fjar- og gagnavinnslu, en atvinnuþróunarsvæðum
var uppálagt að ráðast í slíka vinnu í kjölfar skýrslu ITÍ.
|
|
Með
greiningu á auðlinda- og hæfnisþáttum svæðisins og vali á verkefnum,
er samhliða búið að búa til upplýsingar svo hægt sé að færa
sterkari rök fyrir því að ríkisstofnanir og aðrir aðilar sjái
hag sinn í því að flytja verkefni frá höfuðborgarsvæðinu til
Eyjafjarðar.
|
|
Unnið
var staðbundið stöðumat á auðlinda- og hæfnisþáttum fyrir sveitarfélög
innan starfssvæðis AFE í Eyjafirði.
|
|
Gerðar
eru tillögur um að í framhaldi af skýrslunni verði unnið að
ítarlegri greiningu á því hvernig Eyjafjarðarsvæðið getur byggt
upp atvinnugreinar með því að nýta sér möguleika upplýsingatækninnar
og skapað sér alþjóðlega samkeppnislega sérstöðu til lengri
tíma litið.
|
|
Eitt
af lykilatriðum í því að sveitarfélög innan Eyjafjarðar geti
hagnýtt sér möguleika í fjar- og gagnavinnslu, er að marka sameiginlega
stefnu sem lýsir sér m.a. í sameiginlegri þróun og markaðssókn.
|
|
Í þeim mörgu viðtölum og viðræðum sem áttu sér stað í tengslum
við vinnslu skýrslunnar, kom margt athyglisvert fram. Þar má
nefna atriði eins og að hindranir á svæðinu væru til að mynda
hugarfarslegar, þ.e. að sjálfsmynd fólks, trú á eigin getu og
hæfni, þyrfti að breytast. Einnig kom nokkuð skýrt fram nauðsyn
þess að skapa á svæðinu skilyrði til að þróa þekkingu til lengri
tíma litið og tjalda ekki til einnar nætur.
|
