Almennt | 11. apríl 2006 - kl. 14:47

Valgerður Sverrisdóttir iðnaðar- og viðskiptaráðherra ásamt sigursælu liði Kjarnafæðis.

Eyfirska matartorgið tókst vel
-hlaut sérstaka viðurkenningu á sýningunni Matur 2006

Eyfirska matartorgið tókst ákaflega vel og var það mál margra að þar hafi stemningin verið, en matartorgið fékk sérstök verðlaun fyrir "GOTT FRAMTAK". Fyrirtæki sem að öllu jöfnu eru í harðri samkeppni hjálpuðust að við að gera þetta sameiginlega sýningarsvæði að sannkölluðu markaðstorgi. Þarna voru fyrirtækin Bautinn, Brynja, Búgarður, Café/Restaurant Karólína, Ektafiskur, Friðrik V, Garðyrkjustöðin Brúnalaug, Greifinn, Ice & Fire, Kartöflusalan, Kjarnafæði, Norðlenska, Norðurmjólk, Norðurskel og Purity Herbs. Þess má geta að Kjarnafæði fékk gullbikarinn en þeirra maður er kjötiðnaðarmaður ársins 2006.