|
|||
|
1.3.2 Mikilvægisgreining Mikilvægissgreining var gerð til að gera upp á milli auðlinda- og hæfnisþátta og verkefnishugmynda og gefa þeim vægi fyrir útreikning í tengslariti. Ennfremur til að framkvæma SVÓT-greiningu, eins og minnst hefur verið á. Mikilvægisgreiningin var framkvæmd samkvæmt aðferðinni Nominal Group Technique (NGT). Aðferðin er einföld en árangursrík og góð til notkunar þegar gefa þarf huglægum þáttum hlutlægt vægi, sem og til að gera upp á milli og ná samkomulagi um tiltekin atriði. Í grófum dráttum byggist aðferðin á því að hópur fólks gefur tilteknum fjölda atriða (t.d. hugmyndum úr hugarflugi) stig eftir mikilvægi (t.d. á mælikvarðanum 1 - 5) og síðan er reiknaður út heildarfjöldi stiga og atriðum raðað eftir fjölda stiga. NGT er oft kölluð "sammælisaðferð", þ.e. aðferð til að ná fram sammæli innan vinnuhóps sem þýðir ekki að allir innan hópsins séu fullkomlega sammála niðurstöðunni. Annar kostur aðferðarinnar er að öll sjónarmið fá að komast að og niðurstaðan verður hlutlæg og þar með ótvíræð. Í mikilvægisgreiningunni gáfu þátttakendur auðlinda- og hæfniþáttum stig á bilinu 1 til 10 (10 mikilvægast og 1 minnst mikilvægast) en verkefnishugmyndum stig á bilinu 1 til 25 (25 mikilvægast og 1 minnst mikilvægast). |
|||
|
|
