1.3.3 SVÓT-greining og önnur úrvinnsla

Tengslaritið var notað sem endanlegt úrvinnsluform/tæki fyrir verkefnið. Tengslaritið er svo kölluð "matrixa" sem fyrr var minnst á.

Úr tengslaritinu er hægt að lesa meginniðurstöður verkefnisins, þ.e. forgangsröðun verkefna ásamt niðurstöðum SVÓT-greiningar.

Tengslaritið er tvívíð matrixa (fylki) til þess að skoða og bera saman tengsl á milli tveggja þátta. Í þessu tilviki eru þættirnir auðlinda- og hæfnisþættir annars vegar og verkefnishugmyndir hins vegar. Úr tengslaritinu fást m.a. eftirfarandi niðurstöður:

	Upplýsingar um tengslin á milli auðlinda- og hæfnisþátta og verkefnishugmynda
	Niðurstöður SVÓT-greiningar
	Huglægt tæknilegt, kostnaðarlegt og framkvæmanlegt mat á verkefnum
	Val (forgangsröðun) verkefna í fjar- og gagnavinnslu, m.t.t. stöðu svæðis
	Raungeta svæðisins m.t.t. ákjósanlegra verkefna í fjar- og gagnavinnslu

Síðar í skýrslunni er útskýrt hvernig notkun á tengslaritinu er háttað ásamt útskýringum á mælikvörðum og útreikningsaðferðum.

Atvinnuþróunarfélag Eyjafjarðar - Strandgötu 29 - 600 Akureyri
Sími 4612740 - Fax 4612729 - Netfang: - Veffang: afe.is