|
|||
|
4.2.1 Greining á mikilvægi auðlinda- og hæfnisþátta Greining á mikilvægi auðlinda- og hæfnisþátta var framkvæmd eins og lýst er í kafla 1.3.2. Með þessari aðferð höfðu allir þátttakendur kost á því að koma sinni skoðun á framfæri, ásamt því að niðurstaðan varð hlutlæg og ótvíræð, eins og þegar hefur komið fram. Tilgangur mikilvægisgreiningarinnar er í fyrsta lagi að fá vægisstuðla á auðlinda- og hæfnisþætti fyrir útreikning í tengslariti ásamt því að fá sterkari rökstuðning fyrir gerð SVÓT-greiningar og þar með greiningu á kjarnahæfni Eyjafjarðarsvæðisins í fjar- og gagnavinnslu. Þeir sem tóku þátt í mikilvægisgreiningunni voru þátttakendur stýrihóps og starfsmenn AFE. Þátttakendur gáfu auðlinda- og hæfnisþáttum stig á bilinu 1-10.
Af 42 auðlinda- og hæfnisþáttum, sem skilgreindir voru í stýrihópi, fengu 26 stig úr mikilvægisgreiningunni. Aðrir þættir féllu þar með út og voru ekki notaðir í áframhaldandi greiningu. |
|||
|
|
