|
|||||||||||||||||||||||||||||||||||||||
|
4.2.2 Stöðumat á auðlinda- og hæfnisþáttum Eyjafjarðar með matslista Alls voru tekin 18 ítarleg viðtöl við aðila innan allra sveitarfélaga á starfssvæði AFE í Eyjafirði. Tilgangurinn var, eins og komið hefur fram, til að framkvæma mat á núverandi stöðu auðlinda- og hæfnisþátta í fjar- og gagnavinnslu samkvæmt sýn þeirra aðila sem taldir eru þekkja til innan sveitarfélaga á starfssvæði AFE í Eyjafirði. Eins og kom fram í 1. kafla, voru auðlinda- og hæfnisþættir metnir á mælikvarðanum -2 til +2, þar sem -2 þýðir mjög slæmt, -1 slæmt, 0 viðunandi, +1 gott og +2 mjög gott. Matið var framkvæmt þannig að skýrsluhöfundar hittu hvern viðmælenda í ítarlegu viðtölunum og ræddu um hvern þátt og urðu viðmælendur að færa rök fyrir sínu mati, þ.e. hvaða tölulegt gildi þeir gáfu auðlinda- og hæfnisþáttum. Úrvinnslu
var þannig háttað að reiknað var út
meðaltal og staðalfrávik fyrir hvert sveitarfélag
sem og svæðið í heild. Gerð var tölfræðileg
úrvinnsla (töflur og myndir) fyrir svæðið
í heild. Í töflu 4.2, á næstu síðu, sjást niðurstöður úr mati á auðlinda- og hæfnisþáttum Eyjafjarðarsvæðisins, þar sem teknar eru saman niðurstöður úr sérhverjum auðlinda- og hæfnisflokki fyrir svæðið í heild.
Ekki er hægt að greina miklar sveiflur á niðurstöðum auðlinda- og hæfnisflokka á milli sveitarfélaga eins og staðalfrávikið í töflu 4.2 gefur vitneskju um. Stærsta sveiflan er í flokknum "Byggðamál" sem sveiflast frá því að vera mjög slæm í mjög góð (-1.33 til +2.00). Athyglisvert er að hvergi á svæðinu er þekking talin vera góð, en reyndar ekki heldur slæm. Eins og lesa má úr niðurstöðum stöðumatsins (sjá mynd á næstu síðu) eru ekki margir auðlinda- og hæfnisþættir sem mælast neikvæðir, þ.e. slæmir. Því ber að sjálfsögðu að fagna en samt sem áður verður að draga ályktanir út frá þessum niðurstöðum með varúð. Staða einstakra auðlinda- og hæfnisþátta- eða flokka getur verið mismunandi á milli sveitarfélaga innan Eyjafjarðar og þar fyrir utan sýnist sitt hverjum um sína heimabyggð. Hafa ber einnig í huga að mismunandi mikil þekking er á möguleikum fjar- og gagnavinnslu innan sveitarfélaga og því var á vissan hátt erfitt fyrir svarendur að meta þættina. Ennfremur gera sveitarfélögin eflaust mismunandi kröfur til auðlinda- og hæfnisþátta og meta þ.a.l. út frá sinni kröfu. Þetta eru skekkjuþættir sem vitað var um áður en mælingin var framkvæmd. Þrátt fyrir þetta gefur niðurstaða stöðumatsins ákveðna vísbendingu um stöðu mála innan sveitarfélaga í Eyjafirði, en bent er á að rannsóknin sem hér var framkvæmd var ekki gerð til að fá nákvæma sýn á stöðu mála, heldur fyrst og fremst vísbendingar og forsendur til að færa rök fyrir því hvers konar verkefni á sviði fjar- og gagnavinnslu hægt er að vinna á svæðinu, miðað við núverandi stöðu. Í kafla 4.4. er gerð ítarlegri grein fyrir hvernig þessar niðurstöður er nýttar til að túlka núverandi stöðu auðlinda- og hæfnisþátta, með tillliti til fjar- og gagnavinnslu í Eyjafirði.
"Samgöngur"
(flug, vegasamgöngur, skip) er sá flokkur sem kemur
sterkastur út úr stöðumati samkvæmt
matslista með meðaltalið +1,5, sem er nálægt
því að vera í mjög góðu
lagi. Miðað við "sterkustu" flokkana úr
stöðumatinu má almennt álykta sem svo að
á svæðinu sé gott að búa með
góðum og greiðum samgöngum, góðu
veðurfari, góðri húsnæðisaðstöðu
og góðu skóla-, rannsókna- og þróunarumhverfi.
Þetta er þó ítarlegar og betur túlkað
í kafla 4.4. "Gagnaflutningsgeta" er mikilvægasti auðlinda- og hæfnisþátturinn og sker sig nokkuð úr. Það er greinilegt samkvæmt þessu að mikilvægustu auðlinda- og hæfnisþættirnir eru þættir sem tengjast þekkingu, tæknibúnaði og/eða tækniþjónustu og tæknilegum samgöngum, þ.e. miðað við niðurstöðu mikilvægisgreiningu. |
|||||||||||||||||||||||||||||||||||||||
|
|
