|
|||
|
5.4.1 Tengslaritiš ķ fullri mynd Á næstu síðu er tengslaritið sýnt að loknu mati á tengslum og öðrum atriðum, ásamt útreikningi og annarri úrvinnslu. Úr tengslaritinu má lesa og túlka meginniðurstöður verkefnisins. Eins og komið hefur fram þá var markmiðið með tengslaritinu, og aðferðinni sem að baki hennar liggur, að hafa á einum stað (formi) allar upplýsingar til að geta ályktað og greint lokaniðurstöður. Við fyrstu sýn kann tengslaritið að virka flókið eða torskilið en við nánari skoðun er verið í senn að auðvelda og einfalda úrvinnslu en samt sem áður að fá marktækari og víðsýnni niðurstöðu. Til útskýringar er rétt að taka dæmi um hvernig lesa á úr tengslaritinu. Eins og útskýrt hefur verið er unnið úr tengslaritinu á lóðréttan og láréttan hátt. Lóðrétt (hægri hlið) eru niðurstaða sem sýnir núverandi stöðu auðlinda og hæfni svæðisins, þ.e. auðlinda- og hæfnisþátta, í formi SVÓT-greiningar. Auðlinda- og hæfnisþáttum var gefið hlutfallslegt vægi úr mikilvægisgreiningu. Lárétt (neðsta hlið) eru megin niðurstöður verkefnisins sem er úrskurður um forgangsröðun verkefna. Hann byggir á þeim útreikningum (formúlum) sem þegar hafa verið kynntir. Til að sýna hvernig niðurstaðan var fenginn er hægt að taka dæmi um verkefnisflokkinn B1 (reiknað var út fyrir hvern verkefnisflokk) sem inniheldur þrjú verkefni. Þar er í fyrsta lagi reiknuð út niðurstaða samkvæmt eftirfarandi formumúlu: Fyrir verkefnið "Hýsing og viðhald á gagnagrunnum" var niðurstaða útreikningins tölulega gildið 144. Eins og sjá má er búið að meta tengsl á milli auðlinda- og hæfnisþátta og þessa verkefnis. Töluleg niðurstaða fer eftir hversu oft og sterk tengsl verkefnið hefur við auðlinda- og hæfnisþætti og hlutfallslegt mikilvægi þeirra en formúlan tekur tillit til þess. Það er því ekki sama þó sum verkefnin hafi tengsl við fleiri auðlinda- og hæfnisþætti en önnur, ef önnur verkefni hafa færri og sterkari tengsl við auðlinda- og hæfnisþætti, sem eru einnig hlutfallslega mikilvægari. Því næst var verkefnið metið út frá tæknilegum örðugleikum, metnum kostnaði og möguleikum á framkvæmd samkvæmt mælikvarðanum 1 - 5 (1 best og 5 verst). Tæknilegir örðugleikar fengu 3 stig, metinn kostnaður 2 stig og möguleiki á 3 stig. Það þýðir að verkefnið er í miðlungi flókið tæknilega, frekar kostnaðarsamt og hefur miðlungs möguleika á framkvæmd. Að lokum er reiknuð út lokaniðurstaða þar sem tekið er tillit til niðurstaðna fyrsta útreiknings mat á tækni, kostnaði og möguleika á framkvæmd og hlutfallslegu mikilvægi verkefna. Niðurstaðan á því að vera eins "sanngjörn" og kostur er, þ.e. tekið er tillit til sem flestra þátta sem skipta máli. Lokaútreikningur er samkvæmt eftirfarandi formúlu; S (Z+Þ+Ö)*V. Niðurstaða lokaútreiknings fyrir verkefnið er tölulega gildið 622. Verkefnum er síðan forgangsraðað eftir fjölda stiga úr lokaútreikningi. |
|||
|
|
