|
|||
|
5.4.2 Forgangsröðun verkefna samkvæmt tengslamynd Tafla 5.4 á næstu síðu sýnir forgangsröðun verkefna samkvæmt niðurstöðum útreikninga úr tengslaritinu. Taflan sýnir jafnt stigafjöldann og hlutfall stiga af heildarstigum. Til áframhaldandi vinnslu var ákveðið að velja þrjú verkefni þeim 16 sem fengu meira en 2% af heildarstigafjölda. Það eru 16 fyrstu verkefnin sem eru feitletruð í töflunni. Önnur verkefni síast þ.a.l. út en verða geymd í hugmyndabankanum og verða að sjálfsögðu tekin síðar til athugunar. Í kafla 6 er gerð ítarlegar grein fyrir verkefnunum þremur, þ.e. lýsing á þeim ásamt túlkunum út frá niðurstöðu tengslamyndar og tillögu um hvernig standa skal að því að koma þeim á laggirnar á Eyjafjarðarsvæðinu. Þetta eru meginniðurstöður verkefnisins. Eins og sjá má í töflu 5.4 eru 10 af þeim 16 verkefnum sem voru hæst, í verkefnisflokki C3, þ.e. verkefni sem krefjast sérfræðiþekkingar og tekur tíma til að þróa þar til þau verða arðsöm. Eitt verkefni er í flokki C2 (var einungis eitt í þessum flokki), 2 í flokki B3, 1 í flokki B2 og 2 í flokki B1. Ef ekki hefði verið tekið tillit til hlutfallslegs mikilvægis verkefna hefðu verkefnin ekki raðast á sama hátt. Ágætt dæmi um það er verkefnið "Launadeild ríkisins" í flokki B2. Verkefnið kom fjórða hæst út úr fyrsta útreikningi en þar sem hlutfallslegt mikilvægi þess var meira en þeirra þriggja sem voru fyrir ofan, fékk það flest stig að lokum. Einn auðlinda- og hæfnisþáttur ("Áhrif veðurs á byggð") var ekki talinn hafa tengsl við verkefnin en enginn var talinn hafa neikvæð tengsl. Auðlinda- og hæfnisþættir eins "Vegasamgöngur", "Flugsamgöngur" og "Heilsugæsla" höfðu ekki mikil tengsl við verkefnin sem er eðlilegt þar sem þessa þætti má skilgreina sem s.k. jaðarþætti. Athygli vekur hve lítil tengsl þættir á borð við "Atvinnuþróun" og "Rannsóknir" höfðu við verkefnin. Auðlinda- og hæfnisþættir sem flokkast undir þekkingu, tæknimál o.þ.h. höfðu eðlilega mest tengsl við verkefnin. Það eitt og sér sannar tilgang tengslaritsins, sem er að draga fram niðurstöðu þar sem öll mikilvæg atriði hafa verið skoðuð ofan í kjölinn til að val á verkefnum verði hvorki einstrengisleg eða ómarktæk að því leyti að gleymst hefði að taka tillit til allra mikilvægra þátta og það á óhlutdrægan hátt. |
|||
|
|
