|
|||
|
3.4 Kostnašur viš gagnaflutning (Dęmi) Hagkvæmni einstakra kosta, sem fjallað var um í kafla 3.3, er misjöfn eftir þörfum einstakra aðila, eftir því hvar á landi menn eru staddir og þeim búnaði sem þegar er til staðar. Eins og fyrr segir er greitt fyrir bandbreidd ýmist eftir (hámarks-) flutningsgetu tengingar eða eftir því magni sem flutt er. Stundum er notuð blanda af hvoru tveggja. Bandbreidd hefur því áhrif á kostnað notandans af tengingunni. Í kafla 3.3. var einnig minnst á kostnaðarlegan ójöfnuð sem ríkir á milli fyrirtækja eftir því hvar þau eru stödd á landinu. Um þetta atriði hafa undanfarið skapast miklar og háværar umræður jafnhliða harðri gagnrýni á verðlagningu Landssímans. Landssíminn hefur varið sig með því að segja að forsenda verðlagningarinnar sé háð notkun sem er eðlilega mest á höfuðborgarsvæðinu. Hér á eftir eru tekin tvö dæmi sem sýna að kostnaðarlega er erfiðara að reka fyrirtæki, sem þarf á gagnavinnslutækni að halda, á Akureyri en í Reykjavík. Dæmin eru fengin frá Landssíma Íslands og ná annars vegar yfir Frame Relay tengingu og hins vegar tengingu með leigulínu. Það skal tekið fram að verðlagning á Frame Relay tengingu stýrist af því hversu hátt hlutfall af bandbreiddinni er tryggt. Eins og tekið er fram hér að neðan er miðað við 25% tryggingu á bandbreidd í dæminu um Frame Relay. Uppgefið verð er með virðisaukaskatti. Með 2 mb/s miðju er í raun átt við staðsetningu fyrirtækis þar sem tenging á sér stað inn á víðnet, og í dæmi um Frame Relay hér að neðan er greitt 7.500 kr. tengigjald á þeirri staðsetningu.
|
|||
|
|
