Eldri fréttir (nýrra efni er á forsíðu!)

| Fimmtudagur 15. mars 2001 |

Ferðamálafundur: Ráðstefnuskrifstofa Íslands

Hvað getur Ráðstefnuskrifstofa Íslands (sem við erum aðilar að) gert fyrir og í samstarfi við ferðaþjónustuaðila á Eyjafjarðarsvæðinu. Sjá Dagskrá

| Fimmtudagur 15. mars 2001 |

Fundur um fyrirtækjastefnumót

AFE og Iðntæknistofnun verða með opinn fund fyrir fyrirtæki um fyrirtækjastefnumót þann 27. mars í fundarsal AFE, Glerárgötu 36, 3. hæð. Sjá líka í Dagskrá

| Föstudagur 16. febrúar 2001 |

Nýsköpun 2001

Nú er Nýsköpun 2001 hafin að nýju. Þetta er sem fyrr samkeppni um gerð viðskiptaáætlana. Að þessu sinni verður ákveðin formbreyting á keppninni og vonum við að það verði til að bæta enn frekar árangur þátttakenda í keppninni. 

Við hér á Eyjarfjarðarsvæðinu höfum tvívegis fengið verðlaun í tengslum við keppnina og á síðasta ári var tillaga sú sem héðan kom sú sem vann til fyrstu verðlauna. 

Við ætlum okkur að halda þessum árangri áfram og hvetjum því alla sem til þess hafa getu og áhuga að setja sig í samband við okkur.  Nú er að draga fram góðar hugmyndir sem legið hafa ofaní skúffu og láta nú verða af því að láta drauminn um eigið fyrirtæki rætast.

| Fimmtudagur 15. febrúar 2001 |
Styrkir til atvinnumála kvenna

Félagsmálaráðuneytið hefur á þessu ári heimild til að úthluta í styrki 20 milljónum króna til atvinnumála kvenna. Áhersla er lögð á að greinargóð lýsing á verkefni fylgi með umsókn, sundurliðuð kostnaðaráætlun svo og að fram komi hvort leitað hafi verið til annarra um fjárstyrk. Tilgangur styrkveitinga er einkum að auka fjölbreytni í atvinnulífi, viðhalda byggð um landið og efla atvinnutækifæri á landsbyggðinni, auðvelda aðgang kvenna að fjármagni og að draga úr atvinnuleysi meðal kvenna.

| Miðvikudagur 24. janúar 2001 |
Stuðningur við lista- og menningarstarfsemi
Í fjárlögum 2001 er, eins og undanfarin ár, fjárveitingaliðurinn “Listir, framlög”. Að því leyti sem skipting liðarins er ekki ákveðin í fjárlögum ráðstafar menntamálaráðuneytið honum á grundvelli umsókna til ýmissa verkefna á sviði lista og annarrar menningarstarfsemi.


| Miðvikudagur 24. janúar 2001 |
Handverkssýning
Heildsölusýning á handverki og listiðnaði – minjagripir
„Handverk og hönnun“ hefur ákveðið að halda heikdsölusýningu á handverki og listiðnaði um mánaðarmótin feb. og mars 2001. Markmiðið með sýningunni er að hvetja til nýsköpunar og þróunar og að auka fjölbreytni á íslenskum minjagripamarkaði.


| Miðvikudagur 24. janúar 2001 |
Styrkir
Nokkrir styrkir eru kynntir hér á heimasíðunni. Til þess að lesa nánar um þessa styrki skaltu smella hér eða á takkann meira.

• Ferðamálaráð auglýsir styrki til úrbóta í umhverfismálum 24.1.2001
• Stuðningur við lista- og menningarstarfsemi 24.1.2001
• Ungt fólk í Evrópu 15.1.2001
• Umsókn um styrki í SAMIK 11.1.2001
• Þjóðhátíðarsjóður auglýsir eftir umsóknum 9.1.2001

|Þriðjudagur 23. janúar 2001|
Í sóknarhug
Í sóknarhug, fundarröð um byggðamál hefur nú göngu sína að nýju.  Á fyrsta fundinum á þessu ári sem haldinn er í dag fjallar Haukur Ingibergsson, forstjóri Fasteignamats ríkisins, um Landskrá fasteigna.


| Fimtudagur 18. janúar 2001|
Skref fyrir skref
Atvinnuþróunarfélag Eyjafjarðar og Símenntunarmiðstöð Eyjafjarðar ásamt Starfsþróunarfyrirtækinu Skref fyrir skref héldu opinn fund á Hótel KEA þar sem Hansína B. Einarsdóttir fjallaði um hlutverk leiðtogans á tuttugustu og fyrstu öldinni.  Var fyrirlesturinn mjög vel sóttur og mættu nálægt 90 manns á fundinn.  Töluvert margir óskuðu eftir eintaki af fyrirlestrinum og er hægt að nálgast hann hér.

| Miðvikudagur 3. janúar 2001 |
ÍE til Akureyrar
Fulltrúar Íslenskrar erfðagreiningar og Fjórðungssjúkrahússins á Akureyri, hafa skrifað undir samning sem felur í sér viðamikil samstarfs- og þróunarverkefni, en þau munu skapa forsendur fyrir tugum nýrra hátækni- og sérfræðistarfa á Akureyri. Háskólinn á Akureyri, og Íslensk erfðagreining hafa einnig skrifað undir samning um stofnun upplýsingatæknibrautar við háskólann sem hefur það verkefni að kenna upplýsinga- og tölvufræði. Atvinnuþróunarfélag Eyjafjarðar átti þátt í að leiða saman þessa aðila til ofangreinds samstarf.

| Mánudagur 24. nóvember 2000 |
Ráðstefna um fiskeldi og sjávarútveg
Atvinnuþróunarfélag Eyjafjarðar ásamt stóð nýlega fyrir ráðstefnu um fiskeldi og sjávarútveg, þar var kastljósinu beint að mikilvægustu málefnum er varða fiskeldi hér á landi.  Með ráðstefnunni var vakin athygli á Eyjafjarðarsvæðinu sem álitlegum kosti til fiskeldis.
Erindi ráðstefnunnar

| Mánudagur 30. október 2000 |
Í sóknarhug
Atvinnuþróunarfélag Eyjafjarðar ásamt sjónvarpsstöðinni Aksjón og Háskólanum á Akureyri standa fyrir hádegisverðarfundum í vetur eins og síðasta vetri enda voru undirtektir voru mjög góðar. Sú nýbreytni verður tekin upp að fjalla um efni fundanna í sérstökum þætti á Aksjón daginn fyrir fundinn.  Þar mun starfsmaður AFE stjórna stuttum þætti þar sem gerð er grein fyrir fundarefninu og fá til sín einn eða tvo viðmælendur. Efni fundanna í vetur verður fjölbreytt. og m.a verður fjallað um fjárfestingar og fyrirtækjarekstur á Eyjafjarðarsvæðinu,  hverjar eru efndir ríkisvaldsins í byggðamálum 1999-2001, fjármál sveitarfélaganna og tekjuskipting ríkis og sveitarfélaga. Þá verður fundur um verslun og þjónustu á Eyjafjarðarsvæðinu m.v. höfuðborgarsvæðið og þannig mætti lengi telja.  Fundirnir verða haldnir einu sinni í mánuði á þriðjudögum og eru allir velkomnir. 

| Miðvikudagur 20. september 2000 |
Ný söluherferð til Akureyrar fyrir erlenda ferðamenn
Flugfélag Íslands í samstarfi við Hótel KEA, Sérleyfisbíla Akureyrar og aðra ferðaþjónustuaðila, hafa sett saman pakkaferð til Akureyrar á komandi vetri, sem samanstendur af flugi frá Reykjavík til Akureyrar, móttöku á flugvellinum á Akureyri og gistingu á Hótel KEA.

| Miðvikudagur 14. ágúst 2000 |
Nýsköpunarsetur Norðurlands
AFE hefur að undanförnu unnið að uppsetningu nýsköpunarseturs á Akureyri. Setrið verður rekið í sambýli AFE, og fleiri aðila. Stefnt er að því að frumkvöðlasetrið verði til húsa í húsnæði Háskólans á Akureyri að Glerárgötu 36 og að starfsemi AFE flytji þangað með haustinu. Þessu til viðbótar verður Símenntunarmiðstöð Eyjafjarðar þar til húsa, svo og fyrirtækið Skrín sem er dótturfyrirtæki Skýrr. Ráðgert er að starfsemin verði á tveimur efstu hæðunum í Glerárgötu en hluti af starfsemi HA flytur úr Glerárgötunni upp á Sólborg í næsta mánuði.

| Föstudagur 11. ágúst 2000 |
Könnun ferðaþjónustufyrirtækja í Eyjafirði
Atvinnuþróunarfélag Eyjafjarðar hefur látið kanna ýmsa þætti í rekstri og framboði ferðaþjónustufyrirtækja í Eyjafirði.

| Miðvikudagur 21. júní 2000 |
Viltu stofna fyrirtæki?
Margir íhuga þegar þeir hefja atvinnurekstur hvaða rekstrarform er hagstæðast. Stofnun fyrirtækis er spennandi verkefni og vanda þarf hvert skref í undirbúningnum. Áhættuna við að stofna fyrirtæki má minnka verulega með því að ganga vel frá öllum hnútum í upphafi. Hyggir þú á stofnun fyrirtækis getur nýútkomin bók á netinu, Stofnun fyrirtækis, komið þér að góðu gagni.
Jafnframt er upplýsingavefur Ríkisskattstjóra gagnlegur.
Þegar smellt er á "meira" hér að neðan birtist grein sem fjallar um atriði er varða skattlagningu einstaklingsrekstrar, sameignarfélags, einkahlutafélags og hlutafélags og máli skipta við val á rekstrarformi.

| Mánudagur 19. júní 2000 |
Fyrirtækjastefnumót í Álaborg
Nú í júní tóku sex fyrirtæki af Norðurlandi eystra þátt í svokölluðu Europartenariat fyrirtækjastefnumóti með ágætum árangri. Markmið Europartenariat, sem að þessu sinni var haldið í Álaborg í Danmörku, er að hvetja evrópsk fyrirtæki til að stofna til samstarfs sín á milli. AFE sendi fulltrúa sem var þátttakendum af svæðinu til aðstoðar. Áhugasömum er bent á að hafa samband við Bjarna Þórólfsson hjá AFE.

| Þriðjudagur 20. júní 2000 |
Styrkir Evrópusambandsins til nýsköpunarverkefna
Evrópusambandið auglýsti 15. júní eftir umsóknum um styrki til nýsköpunarverkefna. Styrkirnir geta numið allt að 1,7 millj. evrum, eða um 124 millj. kr. og ætlast er til að verkefnin taki ekki lengri tíma en 3 ár. Verkefnin þurfa að beinast að því að auðvelda fyrirtækjum nýsköpunarstarfið. Þar spila inn í bæði tæknilegar úrlausnir ásamt stjórnun verkefna, fjármögnun, verndun hugverka og fleiri þættir sem hafa áhrif á nýsköpunarferlið. Nánari upplýsingar er hægt að nálgast hjá Bjarna Þórólfssyni eða á heimasíðunni: www.cordis.lu/innovation-smes/

| Mánudagur 19. júní 2000 |
Nýsköpun 2000
Nýsköpunasjóður verðlaunaði sjö viðskiptaáætlanir í samkeppni um gerð viðskiptaáætlana. Fyrstu verðlaun hlaut Egill Jónsson, tannlæknir á Akureyri, fyrir áhugaverða hugmynd á sviði tannviðgerða. Egill segir "skemmdir vera í 99% tilvika mjög ámóta. Engu að síður hefur hingað til þurft að gera sérstaka fyllingu fyrir hverja skemmd, fyrir utan að erfitt hefur verið að komast að sumum skemmdum. Hugmyndin felst í því að fjöldaframleiða fyllingar fyrir hverja skemmd. Galdurinn felst í því að gera holuna tilbúna fyrir fyllinguna.
Upplýsingar um samkeppnina, sem haldin er árlega, veitir Bjarni Þórólfsson hjá AFE.

| Þriðjudagur 30. maí 2000 |
Úttekt á möguleikum Eyjafjarðar í fjar- og gagnavinnslu
Atvinnuþróunarfélag Eyjafjarðar hefur opnað heimasíðu með skýrslu félagsins á möguleikum Eyjafjarðar í fjar- og gagnavinnslu. Slóðin er afe.is/fjargagn/ en einnig er hægt að komast á heimasíðuna með því að smella á myndina hér að ofan. Þar er líka boðið upp á PDF-útgáfu af skýrslunni.

| Þriðjudagur 9. maí 2000 |
Markaðstorg fyrir fjar- og gagnavinnsluverkefni
Nýverið opnaði Valgerður Sverrisdóttir Iðnaðar- og viðskiptaráðherra vefinn www.fjarvinnsla.is. Markaðstorgið er hugsað til þess að auðvelda fyrirtækjum á landsbyggðinni markaðssetningu, og fyrir væntanlega verkkaupa til að kynna sér þá þjónustu sem er í boði.

| Þriðjudagur 4. apríl 2000 |
Ímyndarbæklingurinn
Undanfarið hefur Atvinnuþróunarfélagið unnið að ímyndarbæklingi fyrir Eyjafjarðarsvæðið. Þetta verkefni hefur verið unnið í samvinnu við Húsavík og Mývatn, enda ljóst að flestir ferðamenn er til Akureyrar koma fara einnig á fyrrnefnda staði. Meginhluti  bæklingsins fjallar þó um Eyjafjarðarsvæðið. Bæklingnum hefur verið dreift nokkuð víða, m.a. á Florida og Frakklandi og fengið jákvæða dóma.

| Fimmtudagur 30. mars 2000 |
Átak til atvinnusköpunar
Styrkveitingar iðnaðarráðuneytis undir merkjum "Átaks til atvinnusköpunarveitir" eru ætlaðar til tvennskonar verkefna. Impra, þjónustumiðstöð frumkvöðla og fyrirtækja fer með framkvæmd verkefnisins, sjá nánar á heimasíðu stofnunarinnar. 

| Þriðjudagur 4. apríl 2000 |
Akureyrarkort/bæklingur
Atvinnuþróunarfélagið er nú að vinna í bæklingi og korti fyrir Akureyri. Sú nýlunda verður höfð á að kortið og bæklingurinn verða sameinuð. Þarna verður að finna almennar upplýsingar um Akureyri fyrir ferðamenn. 

| Mánudagur 13. mars 2000 |
Vörusýningar erlendis
Á heimasíðu Útflutningsráðs er að finna ágætt yfirlit yfir Vörusýningar erlendis árið 2000. Bjarni Þórólfsson hjá AFE veitir einnig nánari upplýsingar.

| Mánudagur 13. mars 2000 |
Ferðastyrkur fyrir handverksfólk 
Handverk og hönnun hefur ákveðið að ráðstafa 500.000 kr. til handa handverksfólki sem vill afla sér þekkingar í greininni, hérlendis eða erlendis. Hugmyndin er að koma til móts við einstaklinga vegna náms- og/eða ferðakostnaðar. Áhugasamir geta skilað inn skriflegum umsóknum með greinargerð um verkefnið fyrir 1. maí og/eða 1. september 2000. Póstfangið er Handverk og hönnun, pósthólf 1556, 121 Reykjavík.

| Mánudagur 13. mars 2000 |
Annar hluti Leonardo da Vinci áætlunarinnar
Fjölmargir Íslendingar hafa notið styrkja úr Leonardó starfsmenntaáætluninni. Markmið Leonardó áætlunarinnar er að bæta fagkunnáttu og færni fólks í starfsmenntun og símenntun. Áætlunin höfðar sérstaklega til fræðslustofnanna, smærri fyrirtækja, félaga, samtaka og samtaka auk þeirra sem standa fyrir félagslegri uppbyggingu, t.d fyrir atvinnulausa og þá sem standa höllum fæti á vinnumarkaði. Frekari upplýsingar um Leonardó áætlunina má fá á heimasíðu Landsskrifstofu Leonardó www.rthj.hi.is eða hjá Bjarna Þórólfssyni hjá AFE.

| Mánudagur 13. mars 2000 |
Sjávarútvegur
Upplýsingaveita sjávarútvegsráðuneytisins hefur opnað vefsíðu. Þar má fræðast um sjávarútvegsmálin og stefnu stjórnvalda í þeim.

| Mánudagur 30. október 2000 |
Ráðstefna um fiskeldi og sjávarútveg
Atvinnuþróunarfélag Eyjafjarðar ásamt Fóðurverksmiðjunni Laxá ehf efnir til ráðstefnu um fiskeldi og sjávarútveg í 17. nóvember og verður kastljósinu beint að helstu eldistegundum hér á landi.

| Mánudagur 30. október 2000 |

Í sóknarhug

Atvinnuþróunarfélag Eyjafjarðar ásamt sjónvarpsstöðinni Aksjón og Háskólanum á Akureyri standa fyrir hádegisverðarfundum í vetur eins og síðasta vetri enda voru undirtektir voru mjög góðar.

| Miðvikudagur 16. október 2000 |

Nýsköpunarsetur Norðurlands

AFE hefur að undanförnu unnið að uppsetningu nýsköpunarseturs á Akureyri. Setrið verður rekið í sambýli AFE, og fleiri aðila. Stefnt er að því að frumkvöðlasetrið verði tekið í notkun 27. nóvember.

| Miðvikudagur 20. september 2000 |

Ný söluherferð til Akureyrar fyrir erlenda ferðamenn

Flugfélag Íslands í samstarfi við Hótel KEA, Sérleyfisbíla Akureyrar og aðra ferðaþjónustuaðila, hafa sett saman pakkaferð til Akureyrar á komandi vetri, sem samanstendur af flugi frá Reykjavík til Akureyrar, móttöku á flugvellinum á Akureyri og gistingu á Hótel KEA. 

Atvinnuþróunarfélag Eyjafjarðar - Glerárgata 36 - 600 Akureyri
Sími: 460 5700 - Fax: 463 0998 - Netfang: - Heimasíða: afe.is
Síðast uppfært: 06. September 2001 kl. 10:09 GMT